Náðu í stig sem skiptir máli

ÍBV og Fram skildu jöfn, 2:2, í 21. um­ferð Bestu deild­ar karla í fót­bolta á Há­steinsvelli í dag. Þegar ein umferð er eftir í deildinni er ÍBV í ní­unda sæti með 20 stig. Guðmund­ur Magnús­son skoraði mörk Fram­ara en Alex Freyr Hilm­ars­son og Telmo Cast­an­heira skoruðu fyrir ÍBV. Leikurinn var fjörugur og átti ÍBV möguleika á að ná í stigin þrjú á lokasekúndunni en inn fór boltinn ekki.

Eyjamenn náðu með stiginu að tryggja sér eitt af þremur efstu sætunum í neðri hluta úrslitakeppninnar og fá þrjá heimaleiki á móti tveimur útileikjum. Baráttan um níunda sætið er við FH sem er í ellefta sæti með 19 stig.

ÍA og Leiknir eiga innbyrðisleik í síðustu umferðinni. FH mætir Stjörnunni í Garðabænum og ÍBV leikur gegn Breiðabliki á útvelli. Verðugt verkefni og þrjú stig úr þeim leik styrkir stöðu Eyjamanna í úrslitakeppninni.

 Mynd Sigfús Gunnar – Eyjamenn fagna marki.