Stýrihópur vegna útboðs á rekstri leikskólans Sóla og fræðslu- og menningarráð Vestmannaeyjabæjar hafa mælt með því að tilboði Hjallastefnunar í rekstur leikskólans verði tekið. Það er gott og blessað. Það tilboð var lægst og kannski eðlilegt að því skuli tekið. En fleira hangir á spýtunni. Hvar verður yfirstjórn leikskólans og þá væntanlega hæstu launin greidd. Útsvar af þeim launum, sem stjórna verður væntanlega ekki greitt til Vestmannaeyjabæjar. – Við hvaða birgja verður verslað. Verða það birgjar í Vestmannaeyjum eða eru öll innkaup allra Hjallastefnuleikskólanna hjá sama birgja, sem ekki eru í Vestmannnaeyjum. Ég þekki það úr mínum eigin rekstri; þegar Húsey varð að Húsasmiðjunni, Tanginn varð að Kaupfélagi Árnesinga og síðar Kaupási, og þegar Herjólfur hf. varð Samskip og síðar Eimskip. Þá fundu birgjar í Vestmannaeyjum fyrir miklum breytingum, – viðskipti þessara aðila við þá hurfu að mestu.