Bréfaskriftir Páls Guðmundsonar, framkvæmdastjóra útgerðarfélagsins Hugins og Helga Seljan, fréttamanns Kastljóss hér á Eyjafréttum hafa vakið mikla athygli en upphafið var umfjöllun Kastljóss um söluferli Hugins í gegnum dótturfélag Vinnslustöðvarinnar. Sigurgeir Brynjar Kristgeirsson, framkvæmdastjóri Vinnslustöðvarinnar blandar sér í málið í athugasemdakerfi og gerir alvarlegar athugasemdir við vinnubrögð Kastljóss. Hann spyr einnig hvort tímasetning umfjöllunarinnar sé tilviljun. Athugasemd Sigurgeirs Brynjars má lesa hér að neðan.