Það hefur ekki farið framhjá neinum að mikil uppbygging á sér stað í Vestmannaeyjum. Margir fermetrar hafa verið byggir og það má segja að allar tegundir af byggingum séu í framkvæmd og mörg spennandi verkefni í vinnslu. Það má því áætla að nóg sé um að snúast hjá skipulags- og byggingarfulltrúa bæjarins, en sem dæmi að þá í janúar á fundi umhverfis- og skipulagsráðs lágu einar fimmtán umsóknir fyrir um lóðir eða byggingarleyfi.

Sigurður Smári Benónýsson, skipulags- og byggingarfulltrúi Vestmannaeyjabæjar sagði í samtali við Eyjafréttir að síðustu ár hafi verið annasöm á byggingarsviðinu. „Í dag eru 41 íbúð á framkvæmdastigi og um 15 í byggingarleyfisferli.“

Á síðustu 12 mánuðum hefur Vestmannaeyjabær úthlutað rúmlega 30 lóðum, „þetta eru lóðir á íbúðar-, atvinnu- og sumarhúsasvæðum. Eitthvað af þessum lóðum eru þegar komnar á framkvæmdastig og fjölmargar í undirbúningi. Eins og gefur að skilja þá hefur gengið á lóðir hjá sveitafélaginu. En því tengt má benda á nýtt deiliskipulag í Áshamri sem er í auglýsingarferli þessa dagana, þar gerir skipulagstillagan ráð fyrir 54 íbúðum í rað-, par- og fjölbýlishúsum,“ sagði Sigurður Smári.

Í nýjasta tölublaði Eyjafrétta rýndum við í fasteignamarkaðinn í Vestmannaeyjum