Fyrsta konan til að synda milli lands og Eyja

Eyjafréttir
·
Fólkið
·
23. júlí 2019

Sigrún Þuríður Geirsdóttir varð í nótt fyrsta konan til að synda svokallað Eyjasund, þ.e. að synda frá Vestmannaeyjum til Landeyjasands. Sigrún hóf sundið kl. 01:10 í nótt frá Eiðinu á Heimaey en leiðin sem Sigrún synti var rúmir 11 km og tók sundið hana 4 klst og 31 mín. Sundið gekk mjög vel og voru veðurskilyrði hagstæð. Fyrstu tvo klukkutímana fylgdu höfrungar henni eftir en mávar, fýlar og lundar sýndu einnig sundi hennar mikinn áhuga. Það er skemmtilegt frá því að segja að Sigrún er frænka eins frægasta sjósundskappa Ísland, Eyjólfs Jónssonar, sem synti Eyjasundið fyrstur manna í júlí árið 1959 eða fyrir sléttum 60 árum síðan. Sigrún er fimmti Íslendingurinn til að synda Eyjasundið. Fylgdarfólk Sigrúnar á sundinu voru Haraldur Geir Hlöðversson frá Vestmannaeyjum, Jóhannes Jónsson og Harpa Hrund Berndsen. Björgunarsveitin Dagrenning frá Hvolsvelli tók á móti Sigrúnu þegar hún landaði.

Sigrún er ekki óvön löngum sundum í sjó en árið 2015 var hún fyrsta íslenska konan til að synda yfir Ermarsundið. Sigrún synti 34 km leið frá Dover á Englandi til Cap Gris-Nez í Frakklandi á 22 klukkustundum og 34 mínútum. Í september næstkomandi mun Sigrún þreyja sundið á ný yfir Ermarsundið í þetta skiptið mun hún synda boðsund í hópi afrekskvenna sem kalla sig Marglytturnar en þær vilja vekja athygli á hnignandi lífríki sjávar vegna mengunar og safna um leið áheitum fyrir umhverfissamtökin Bláa herinn.

„Mér mjög leið vel í byrjun sundsins en sjávarföllin, að sögn skipstjórans, voru einkennileg. Því í austurfallinu rak mig til vesturs en ekki austur. Mér varð óglatt og kastaði aðeins upp en annars leið mér ágætlega. Hausinn á mér var góður allan tímann og reyndi ég að hugsa alltaf jákvætt, ég söng í huganum og var alltaf að hugsa um hversu langt ég var komin miðað við önnur sund sem ég hef synt.
Vegalengdin var rúmir 11km og það tók mig 4:31 að synda þetta sem var mun skemur en ég hafði áætlað,“ segir Sigrún Þ. Geirsdóttir.

Þeir sem hafa synt Eyjasundið eru:

Eyjólfur Jónsson árið 1959
Axel Kvaran árið 1961
Kristinn Magnússon árið 2003
Jón Kristinn Þórsson árið 2016
Sigrún Þuríður Geirsdóttir árið 2019

Nýjustu fréttir

Áhugavert

Áfram Noregur í kvöld – Heimisáhrifin virka

Úr blaði Eyjafrétta

Draumurinn orðinn að veruleika

Áhugavert

Einstakt safn Magnúsar vakti forvitni á Goslokahátíð

Myndband

Þrjár vikur í Þjóðhátíð – uppbyggingin hafin í Herjólfsdal

Áhugavert

Sumarlesturinn hefur aldrei farið betur af stað

Skipulagsmál

Áform um þrjú ný einbýlishús við Reglubraut

Aðsend grein

Evrópusambandið, meira en tollabandalag

Áhugavert

50 ár frá opnun sundlaugar Vestmannaeyja

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki