The Puffin Run verður haldið í níunda sinn á morgun. Skráðir keppendur eru 697 (plús boðhlaup) en upphaflega var búist við metþátttöku eða 1800 manns en vegna lokunar Landeyjarhafnar voru margir sem gátu ekki séð sér fært um að taka þátt. 

Meðal keppenda eru margir af bestu hlaupurum landsins. Rásmark er á Nausthamarsbryggju og verða keppendur ræstir út í 80 hlaupara hópum á mínútu fresti. Fyrsti hópur fer af stað klukkan 12:15.

Fyrir þá sem vilja fylgjast með og er þá best að vera sunnan við Vigtartorg. Hlaupið er rangsælis umhverfis Heimaey og verður áhugavert að sjá keppendur t.d. á Hamrinum og austan við Helgafell. Þau fljótustu eru að koma í mark um kl.13:30 og er þá gott að fylgjast með á nýju trépöllunum við Nausthamarsbryggju. Undirbúningsvinna hefur verið á fullu og eru 200 starfsmenn að starfa við hlaupið á keppnisdegi, en það hefur fengið mikið lof undanfarin ár fyrir góða brautarvörslu.