Heimsklassa íslenskir gestakokkar verða á Einsa kalda, GOTT og NÆS veitingastað. Hátíðin sem er samstarfsverkefni Ferðamálasamtaka Vestmannaeyja, Visit Vestmannaeyjar, Ísfélags., Vinnslustöðvarinnar hf, Laxey og Fab Lab Vestmannaeyjar verður haldin dagana 22.-23.maí næstkomandi.

Vestmannaeyjar hafa fest sig í sessi sem einn áhugaverðasti mataráfangastaður landsins og nú snýr MATEY aftur í fjórða sinn. Við bjóðum þér í einstaka matarupplifun þar sem ferskasta hráefni landsins mætir skapandi matreiðslu í hæsta gæðaflokki.

Gestakokkarnir taka yfir veitingastaðina Einsi kalda, GOTT og NÆS, þar sem þeir vinna með heimafólki að því að skapa ógleymanlega margrétta upplifun beint frá hafi á disk. Samvinna er hjartað í MATEY. Veitingastaðir, fiskframleiðendur og ferðaþjónusta sameina krafta sína til að sýna það besta sem Eyjarnar hafa upp á að bjóða.

Í ár verður í fyrsta sinn boðið upp á lax frá landeldinu Laxey. Tanginn og Kráin bjóða upp á sérrétti í tilefni hátíðarinnar og Brothers Brewery kynnir sérlagaðan MATEY-bjór.

MATEY er meira en matur. Þetta er helgi þar sem stórbrotin náttúra, lifandi samfélag og sjávarréttir í heimsklassa skapa ógleymanlega upplifun. Tryggðu þér borð í tæka tíð.