Staðreyndir vegna óhapps í innsiglingu
Huginn Opf 20250130 160803
Huginn VE í fylgd Lóðsins og Þórs í gær. Eyjafréttir/Eyjar.net: ÓPF

Vinnslustöðin hefur sent frá sér yfirlýsingu vegna óhapps sem varð við komu Hugins VE til Vestmannaeyja í gær, en skipið missti vélarafl í innsiglingunni. Yfirlýsinguna má lesa í heild sinni hér að neðan.

Í gær vildi það óhapp til að aðalvél Hugins drap á sér í innsiglingunni í Vestmannaeyjahöfn.  Fréttir af atburðinum eru misvísandi en atburðarásin var eftirfarandi:

  • Huginn var að koma af kolmunnamiðum við Færeyjar til löndunar. Venja er að slá af ferð skipa áður en í innsiglinguna er komið og var það gert.
  • Þegar komið var inn fyrir Klettsnef, inn í innsiglinguna, sló skipstjóri aftur af ferð skipsins en þá drapst á aðalvélinni. Líkleg ástæða þess var að stjórnbúnaður skrúfu (sem er tölvustýrður) bilaði og í kjölfarið varð þrýstingsfall á smurolíu á gír.  Skipið varð því stjórnlaust í innsiglingunni og stefndi í strand upp í Hörgeyrargarð. Þess ber að geta að stjórnbúnaður skrúfu er nýlegur og af fullkomnustu gerð.
  • Skipstjóri setti sig þegar í samband við Vestmannaeyjahöfn og Landhelgisgæsluna og óskaði aðstoðar.  Lóðsinn og björgunarskipið Þór fóru þegar af stað til aðstoðar.
  • Vélstjóri skipsins kom aðalvélinni aftur í gang en aftur drap hún á sér af sömu ástæðum og fyrr.
  • Til að forða því að skipið strandaði við Hörgeyrargarð varpaði áhöfnin akkeri sem dró mikið úr ferð þess. Skipið tók niðri, en tókst að losa sig með hliðarskrúfum og aðstoð björgunarskipa.
  • Þegar áhöfn Hugins og áhafnir Lóðsins og Þórs höfðu náð tökum á aðstæðum, hliðarskrúfur voru komnar í gang og taug komin á milli skipa, var sameiginleg ákvörðun tekin um að skilja akkeri og akkeriskeðju eftir á vettvangi.
  • Kafari hefur skoðað botn skipsins og er hann óskemmdur en málning er rispuð. Ekki er vitað til þess að tjón hafi orðið á lögnum en kafari mun skoða vettvang og undirbúa að sækja akkerið.
  • Lóðsinn dró Huginn síðan til hafnar og gat skipið veitt aðstoð með hliðarskrúfum.

 

Stjórnendur Vinnslustöðvarinnar þakka áhöfn Hugins sem og áhöfnum Lóðsins og björgunarskipsins Þórs fyrir rétt, fumlaus og örugg viðbrögð.

Nýjustu fréttir

Sjávarútvegur
Fullfermi á báðum togurum
Samgöngur
Dýpkun tefst í Landeyjahöfn – uppfært
Fréttatilkynning
Framlag í Ferðasjóð íþróttafélaga tvöfaldast
Fréttir
Fullorðinsfimleikar hjá Rán
Íþróttir
Tómas Bent með sigurmark Hearts
Fréttir
Tilboð langt undir áætlun í dýpkun Landeyjahafnar
Vinnslustöðin
Loðnan berst til Eyja
Vinnslustöðin
Nær sjötíu manns á þorrablóti Vinnslustöðvarinnar
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.