Það var svo sannarlega góð stemning í bæði Eldheimum og í Höllinni í gærkvöldi. Fram kemur á vefsíðu Vinnslustöðvarinnar í dag að alls hafi verið 120 manns skráðir til þátttöku í sjómannaskemmtuninni, frá öllum sex skipum VSV.

„Útgerðin bauð bæði skipverjum og mökum þeirra til viðburðarins. Fyrir skemmtunina var haldið kokteilboð í Eldheimum, þar sem gestum var boðið upp á veitingar frá Vöruhúsinu og léttar veigar. Að því loknu hélt hópurinn saman í Höllina þar sem sjómannaskemmtunin fór fram. Veður var frábært og gleðin mikil eins og meðfylgjandi myndir bera með sér sem teknar voru í Eldheimum í gær.”

Fleiri myndir frá Eldheimum má sjá hér.