Eyjascooter: skemmtilegar ferðir á hlaupahjólum

Eyjascooter er lítið einkarekið fyrirtæki hér í Eyjum í eigu þeirra hjóna Ingibjargar Bryngeirsdóttur og Heiðars Arnar Svanssonar. Fyrirtækið sérhæfir sig í hlaupahjólaferðum um eyjuna og bjóða þau upp á skemmtilegar ferðir með leiðsögn. Þau taka á móti ferðafólki, heimafólki og hópum, og eru mjög opin og sveiganleg með hugmyndir frá fólki. ,,Þetta er þriðja sumarið sem við erum að fara inn í,“ segir Ingibjörg. „Hugmyndin kviknaði þegar maðurinn minn var að vinna í Reykjavík og notaði alltaf hlaupahjól til að komast á milli staða. Í kjölfarið fór hann að velta fyrir sér hvernig það væri að vera með hlaupahjól hér í Vestmannaeyjum. Hann bar undir mig hugmyndina um að fara í ferðabransann og bjóða upp á hlaupahjólaferðir á öfugum hlaupahjólfum. Mér leist vel á hugmyndina og við ákáðum að kýla á þetta,“ segir Ingibjörg.

Eyjascooter bíður upp á mismunandi ferðir eins og lundaferðir, eldfjallaferðir og fleira. Ingibjörg segir að fólki finnist náttúrperlurnar á borð við fjöllin, hraunið og allt sem því fylgir mest heillandi, en ekki síður þyki því ekki sagan merkileg. ,,Þarna fær fólk söguna og náttúruna beint í æð.“ Ingibjörg segist alltaf benda fólki á að fara í Eldheima samhliða ferðunum þeirra, því þar nær fólk að heyra og fræðast enn meira. ,,Fólk fær svo miklu meira út úr heimsókninni hingað til eyja ef það fær leiðsögn frekar en að fara bara sjálft að skoða. Íslendingar hafa einnig verið að sýna ferðum okkar áhuga og höfum við verið að taka á móti hópum eins og gæsa- og steggjahópum og finnst okkur það einnig mjög skemmtilegt. Við erum opin fyrir hugmyndum fólks og finnst líka gaman að gera eitthvað öðruvísi og skemmtilegt með fólkinu,“ segir Ingibjörg að lokum.

Nýjustu fréttir

Áhugavert

Viðgerð Herjólfs dregst fram í júlí

Fréttatilkynning

Standa þarf vörð um hafrannsóknir

Laxey

Stórseiðahús reist á aðeins tíu mánuðum

Sjávarútvegur

Hafró leggur til minni þorskkvóta en mikla aukningu í loðnu

Aðsend grein

Leiðin liggur á Eyjuna fögru

Áhugavert

Enn að eftir 40 ár sem blaðamaður

Samgöngur

Dýpkun í Landeyjahöfn sett á bið vegna mikillar siglingaumferðar

Áhugavert

Sjómannakaffið – ÍBV-stelpurnar tóku við keflinu

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki