Kvennalið ÍBV í handbolta vann stórsigur gegn Val í þriðja leik liðanna í úrslitaeinvíginu um Íslandsmeistaratitillinn á Hlíðarenda í dag. Eyjakonur áttu frábæran leik og unnu leikinn með átta mörkum, 27-35. Staðan er nú 2-1 í einvíginu og tryggðu Eyjakonur sér annan leik, sem fer fram í Eyjum á þriðjudaginn. 

Eyjakonur byrjuðu leikinn gríðarlega vel og leiddu á upphafs mínútum fyrri hálfleiks. Eyjakonur leiddu mest með sex mörkum, 4-10, og var staðan þannig þegar stundarfjórðungur var liðinn. Valskonur komu hins vegar til baka og náðu að jafna leikinn rétt fyrir hálfleiks flautið í 14-14. Eyjakonur leiddu í hálfleik með einu mark, 14-15.

ÍBV stelpurnar byrjuðu síðari hálfleikinn af krafti líkt og þann fyrri og náðu fljótlega fjögurra marka forystu. Valskonur virðust engin svör eiga við leik Eyjakvenna og var munurinn orðinn átta mörk þegar stundarfjórðungur var eftir. Ólöf Maren Bjarnadóttir, markvörður ÍBV, átti einnig stóran þátt í að munurinn var svona mikill, með frábærri markvörslu. Eyjakonur náðu mest tólf marka forystu og unnu þær að lokum öruggan átta marka sigur. Lokatölur leiksins 27-35.

Sandra Erlingsdóttir, leikmaður ÍBV, var markahæst í leiknum með níu mörk. Ólöf Maren Bjarnadóttir varði fimmtán skot í marki ÍBV.

Mörk ÍBV: Sandra Erlingsdóttir 9 mörk, Birna Berg Haraldsdóttir 7, Agnes Lilja Styrmisdóttir 6, Britney Emilie Florianne Cots 6, Alexandra Ósk Viktorsdóttir 2, Amelía Dís Einarsdóttir 2, Birna María Unnarsdóttir 2, Birna Dís Sigurðardóttir.

Fjórði leikurinn í úrslitaeinvíginu fer fram í Vestmannaeyjum á þriðjudaginn kl. 18:00 og geta Eyjakonur með sigri þar tryggt sér oddaleik.