Kjörsókn á kjörstað í Vestmannaeyjum var komin í 47,1% klukkan 18 í dag. Þá höfðu 1.494 greitt atkvæði í Barnaskólanum, 728 í fyrri kjördeild og 766 í þeirri síðari. Á sama tíma í bæjarstjórnarkosningunum í vor höfðu 1.696 kosið, eða 47,9% kjörskrár. Hlutfallsleg kjörsókn á kjörstað er því 0,8 prósentustigum minni nú.

Fram komin utankjörfundaratkvæði eru 839, sem jafngildir 26,5% kjörskrár. Í bæjarstjórnarkosningunum í vor voru þau 702, eða 19,8%. Utankjörfundaratkvæðin eru því 137 fleiri nú og hlutfall þeirra 6,7 prósentustigum hærra. Utankjörfundaratkvæðin verða meðtalin í lokatölum.

Alls eru 3.170 manns á kjörskrá í þjóðaratkvæðagreiðslunni, samanborið við 3.538 í bæjarstjórnarkosningunum. Munurinn skýrist einkum af erlendum ríkisborgurum og Íslendingum búsettum erlendis sem höfðu kosningarétt í sveitarstjórnarkosningunum en ekki í þjóðaratkvæðagreiðslunni.

Kjörstaður í Barnaskólanum verður opinn til klukkan 22 í kvöld.