Herjólfur stefnir á að sigla til Þorlákshafnar mánudaginn 6. apríl. Brottför frá Vestmannaeyjum kl. 07:00. Brottför frá Þorlákshöfn kl.10:15 (Áður ferð kl. 10:45). Þetta kemur fram í tilkynningu frá Herjólfi ohf.

Þar segir jafnframt að seinni ferðir 6. apríl falli niður vegna appelsínugulrar viðvörunar. Vegagerðin hefur einnig gefið út að vegir til/frá Þorlákshöfn koma til með að vera lokaðir hluta af degi. Þeir farþegar sem áttu bókað frá Vestmannaeyjum kl. 16:00 og frá Þorlákshöfn kl. 19:45 eru beðnir um að hafa samband við skrifstofu Herjólfs til þess að færa bókun sína.

„Einnig viljum við góðfúslega benda farþegum á að samkvæmt spá fyrri hluta þriðjudags eru aðstæðar til siglinga ekki hagstæðar, hvetjum við farþega sem ætla sér að ferðast þá að fylgjast með miðlum okkar ef gera þarf breytingu á áætlun,” segir í tilkynningu skipafélagsins.