Fram­kvæmda­stjóri Óbyggðanefnd­ar seg­ir í sam­tali við Morg­un­blaðið í dag að nefnd­in sé ekki að taka af­stöðu til ein­stakra krafna þrátt fyr­ir að nefnd­in telji að ríkið eigi al­mennt ekki til­kall til þeirra eyja og skerja sem fyr­ir landi liggja og eru inn­an tveggja kíló­metra fjar­lægðar frá fasta­land­inu.

Eins og áður hefur komið fram hefur nefndin kom­ist að þeirri niður­stöðu að hluti krafna rík­is­ins um að eyj­ar og sker við landið verði þjóðlend­ur eigi ekki við rök að styðjast og er vísað í því sam­hengi til ákvæða í lög­bók­inni Jóns­bók sem leidd var í lög árið 1281.

Samkvæmt frétt Morgunblaðsins  á þetta við um Vestmannaeyjar sem eru í sigtinu hjá ríkinu sem ásælist allar úteyjar Vestmannaeyja og Stórhöfða á Heimaey. Vissulega léttir fyrir Eyjamenn en björnin er ekki unninn. Í Morgunblaðinu segir: Sigmar gerir ráð fyrir því að lögmenn muni rýna þessar almennu niðurstöður og í kjölfarið meta hvort tilefni sé til að endurskoða einhverja þætti í kröfugerð ríkisins. „En ég get í sjálfu sér ekki svarað fyrir það,“ segir hann. Hann telur að Óbyggðanefnd muni úrskurða um kröfugerð ríkisins á síðari hluta ársins.