Í Reykjavík mótmæla foreldrar úrræðaleysi borgaryfirvalda í leikskólamálum, en komið hefur fram að um 800 börn séu á biðlista eftir leikskólaplássi.

í Vestmannaeyjum er aðra sögu að segja, enda þó fólksfjölgun hér hafi verið svipuð og í Reykjavík.

Í fyrirspurn til Vestmannaeyjabæjar kemur fram að einungis fjögur börn séu nú á biðlista eftir leikskólaplássi, en 1. sept var opnað fyrir umsóknir um heimgreiðslur vegna skorts á lekskólaplássum.

Geta þá foreldrar sem hafa sótt um leikskólapláss, en ekki fengið, sótt um heimgreiðslur í staðinn. Þetta á við um öll börn á aldrinum 12-16 mánaða. Heimgreiðslurnar nema 110.000 krónum og flokkast sem tekjur.

Upphaflega sóttu foreldrar sex barna um heimgreiðslur, en síðan þá hafa tvö barnanna fengið leikskólapláss og standa því fjögur börn eftir.

Fjöldi nemenda á leikskólum í Vestmannaeyjum:

Kirkjugerði 76 börn,  Sóli 98 börn og Víkin 47 börn.