- Eyjafréttir
- ·
- Fréttir
- ·
Engin ný smit hafa greinst í Vestmannaeyjum síðan 6. apríl síðastliðinn. Samtals hafa 103 greinst með veiruna, 65 hafa náð bata og því eru 38 einstaklingar með virk smit. 127 eru í sóttkví.
Á sunnudaginn rennur samkomubann miðað við 10 manns sitt skeið í Vestmannaeyjum. Á mánudag tekur við almenn takmörkun á samkomum sem gildir á landsvísu þar sem miðað er við að ekki séu á sama tíma fleiri en 20 einstaklingar inni í sama rými. Þar með gilda hertar reglur fyrir Vestmannaeyjar ekki lengur og við fylgjum landslínunni.
Þakkarvert er hversu vel Eyjamenn virtu bannið en það er einmitt ástæða fyrir góðum árangri okkar. Við höldum að sjálfsögðu áfram að virða reglur því það er okkur öllum í hag.
Lögreglustöðin mun opna afgreiðslu sína á mánudag eins og fleiri aðilar. Þrátt fyrir það þurfum við enn að gæta að eigin sóttvörnum og virða nándarregluna upp á 2 metra.
f.h. aðgerðastjórnar
Páley Borgþórsdóttir, aðgerðastjóri.
