Enn eru dæmi um að verið sé að misnota lögheimilisafsláttinn hjá Herjólfi. Þetta staðfestir Hörður Orri Grettisson, framkvæmdastjóri Herjólfs ohf. í samtali við Eyjar.net.

„Reglulega verðum við því miður vör við að aðilar sem eru með lögheimili í Vestmannaeyjum séu að misnota lögheimilisafsláttinn.“ segir Hörður Orri.

„Tökum við hart á þeim aðilum sem verða uppvísir að slíku athæfi“

Hann segir að almennt sé skipafélagið með virkt eftirlit með allri misnotkun og misnotkun á lögheimilisafslættinum þar engin undantekning.

„Misnotkun á lögheimilisafslætti er að sjálfsögðu óheimil og almennt tökum við hart á þeim aðilum sem verða uppvísir að slíku athæfi.“ segir Hörður að endingu.

https://eyjar.net/misnota-logheimilis-afslatt/