Eydís María Waagfjörð er gengin til liðs við kvennalið ÍBV og mun klára tímabilið með Eyjakonum í Bestu deildinni. Hún kemur til liðsins frá Gindavík/Njarðvík, þar sem hún hefur leikið frá upphafi árs 2025. ÍBV greindi fram á samfélagsmiðlum sínum fyrr í dag.

Eydís er 19 ára gömul, uppalin í Stjörnunni en hún hóf sinn knattspyrnuferil þar árið 2014. Hún á að baki þrjá landsleiki fyrir u-17 ára landslið Íslands.

Eydís spilaði 18 leiki fyrir Grindavík/Njarðvík í Lengjudeildinni í fyrra og skoraði í þeim sex mörk. Hún hafði aðeins leikið einn leik með þeim þetta tímabil í Bestu deildinni.