Eyjakonur í ÍBV eiga krefjandi verkefni fyrir höndum í Bestu deildinni í dag þegar þær sækja topplið Breiðabliks heim. Flautað verður til leiks á Eikarvellinum klukkan 16:00.

ÍBV er í fjórða sæti deildarinnar með 24 stig eftir 16 leiki. Stjarnan er tveimur stigum ofar í þriðja sæti með 26 stig en Grindavík/Njarðvík fylgir fast á hæla Eyjakvenna með 22 stig.

Breiðablik er á toppi deildarinnar með 36 stig, þremur stigum á undan FH sem er í öðru sæti. Blikar hafa unnið 12 af 16 leikjum sínum í sumar.

Baráttan um þriðja sætið er því áfram hörð. Stjarnan mætir Fram á Lambhagavellinum klukkan 14:00 í dag og Grindavík/Njarðvík sækir Víking heim á sama tíma. Þegar flautað verður til leiks hjá ÍBV tveimur tímum síðar mun því liggja fyrir hvernig þeim leikjum lauk.

Leikur Breiðabliks og ÍBV hefst sem fyrr segir klukkan 16:00 á Eikarvellinum.