Eyjarnar landa í Neskaupstað
Eyjarnar 20250826 081915
Landað úr Vestmannaey VE. Á bakvið hana er Bergey VE. Eyjafréttir/Eyjar.net: TMS

Að undanförnu hafa togarar Síldarvinnslusamstæðunnar verið að veiðum á Austfjarðamiðum. Jóhanna Gísladóttir GK landaði fullfermi í Grindavík í gær og Gullver NS landaði þá á Seyðisfirði. Vestmannaeyjaskipin Vestmannaey og Bergey eru síðan að landa í Neskaupstað í dag. Þetta kemur fram á heimasíðu Síldarvinnslunnar.

Einar Ólafur Ágústsson, skipstjóri á Jóhönnu Gísladóttur, sagði að veiðiferðin hefði verið heldur löng og erfið. Víða hefði verið veitt en fiskurinn virtist vera dreifður og það hentaði togveiðum ekki sérlega vel á meðan línuskip væru að mokfiska. “Við fórum afar víða í túrnum og vorum mest fyrir austan land. Við byrjuðum í Lónsbugt og síðan var haldið í Berufjarðarál og var lítið að hafa á báðum stöðum. Þá var haldið á Mjölskipið og Grunnfótinn og þar fengum við tvo þokkalega daga. Síðan var farið á Örvæntinguna, í Hvalbakshallið og á Öræfagrunn. Loks var stoppað í Reynisdýpinu og þar fékkst dálítill ufsi. Í aflanum var mest af ufsa en síðan var þetta ýsa og þorskur. Þetta voru fimm sólarhringar að veiðum og það er of langur tími þó einhvern tímann hefðu menn verið þokkalega sáttir við veiði eins og þessa. Það verður haldið til veiða á ný fljótlega eftir löndun,” sagði Einar Ólafur.

Gullver landaði 90 tonnum á Seyðisfirði og var Hjálmar Ólafur Bjarnason skipstjóri ekki ánægður með túrinn. ”Veiðarnar gengu heldur erfiðlega en við reyndum allar bleyður frá Stokksnesi og norður á Gletting. Aflinn var fyrst og fremst þorskur en síðan bland af ufsa, ýsu og karfa. Veður var sæmilegt framan af en þetta endaði í bölvaðri brælu. Það verður haldið til veiða á ný fljótlega að löndun lokinni,” sagði Hjálmar Ólafur

Skipstjórarnir Jón Valgeirsson á Bergey og Birgir Þór Sverrisson á Vestmannaey sögðu að skipin hefðu fylgst að á veiðunum. Byrjað var á Glettinganesflaki, síðan haldið á Gula teppið og loks restað Utanfótar. Bæði skip voru með tæp 60 tonn og var aflinn mest ýsa og þorskur. Sögðu þeir að bræludrulla hefði verið megnið af túrnum og aflabrögðin einkennst af óttalegu sargi. Bæði skip munu halda til veiða á ný í kvöld, segir að endingu í fréttinni.

Nýjustu fréttir

Myndband
Stelpurnar klárar í slaginn
Menning
Jóna Heiða með sýningu í Sagnheimum
Fréttir
Eldsneytisvandi í Eyjum ratar á Alþingi
Stjórnmál
Spurt og svarað: Anton Örn frá Eyjalistanum
Fréttir
Gröfuþjónusta Brinks lægstbjóðandi í gatnagerð og fráveitu í Miðgerði
Íþróttir
Sumarið heilsar með stórleik
Íþróttir
ÍBV í lykilstöðu eftir sigur gegn Haukum
Fréttir
Dagskráin á sumardaginn fyrsta
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.