Samningar vegna styrkja úr þróunarsjóði leik-, grunn- og tónlistarskóla voru undirritaðir þann 23. maí sl. í Einarsstofu.

Fram kemur í fundargerð fræðsluráðs að markmiðið með þróunarsjóði leik-, grunn- og tónlistarskóla sé að stuðla að þróunar- og nýsköpunarstarfi í skólunum.

Fimm verkefni hlutu styrk úr þróunarsjóðunum þetta árið og eru þau eftirfarandi:

– Heimasíða fyrir heimilisfræði í GRV (Barnaskóla).
– Innleiðing Barnasáttmála Sameinuðu þjóðanna, Réttindaskóli UNICEF.
– Lausnahringurinn.
– Lestrarhestarnir.
– Stigskipt nám í stærðfræði í anda þróunarverkefnisins Kveikjum neistann – leiðarljós í stærðfræði á mið- og unglingastigi.

Í afgreiðslu fræðsluráðs er styrkþegum óskað innilega til hamingju með styrkina og er tilhlökkun að fylgjast með framþróun þessara spennandi verkefna.