Yfirskattanefnd hefur úrskurðað Ísfélaginu í hag í deilum félagsins við Skattinn vegna opin­berra gjalda 2017 til 2020.

Niður­staðan er í megin­dráttum sú að Ís­fé­lagið fái þá skatta endur­greidda sem á­greiningur var um, sam­kvæmt Kaup­hallar­til­kynningu Ísfé­lagsins. Vegna þessa ágreinings hafði félagið eignfært 446,5 milljónir króna og því hefur niðurstaðan óveruleg áhrif á rekstur og efnahag félagsins. Tilkynninguna má lesa í heild sinni hér að neðan.

Í útgefendalýsingu Ísfélags hf. frá því í nóvember 2023 kom fram í kafla 1.1.4, um skattalega áhættu, að ágreiningur væri við Skattinn um opinber gjöld vegna tiltekinna gjaldára og að félagið hefði kært álagningu Skattsins til yfirskattanefndar (YSKN) sem hefur nú úrskurðað í málinu.

Niðurstaða YSKN er í megindráttum að Ísfélag hf. fái þá skatta endurgreidda sem ágreiningur var um. Vegna þessa ágreinings hafði félagið eignfært 446,5 milljónir króna og því hefur niðurstaðan óveruleg áhrif á rekstur og efnahag félagsins.