Hætt við hafnarkant við Löngu

Eyjafréttir
·
Áhugavert, Almennt
·
6. mars 2024

Breytt aðalskipulag Vestmannaeyja var tekið fyrir að nýju á fundi framkvæmda- og hafnarráðs Vestmannaeyja í vikunni. Um er að ræða nýja reiti fyrir hafnarsvæði.

Í aðalskipulagi er lagður grundvöllur fyrir gerð deiliskipulags varðandi landnotkun, takmarkanir á landnotkun, samgöngu- og þjónustukerfi og byggðamynstur. Ferli aðalskipulagsbreytinga er skipt upp í fjóra fasa og getur tekið um 6-12 mánuði. Fasarnir eru: Skipulagslýsing, drög á vinnslustigi, tillaga auglýst og afgreiðsla.

Síðan tekur við álíka ferli við gerð deiliskipulags fyrir ákveðnar lóðir. Fram kemur í fundargerðinni að Dóra Björk Gunnarsdóttir, hafnarstjóri hafi farið yfir hvar málið er statt í skipulagsferlinu og yfir þær umsagnir sem bárust. Einnig greindi Dóra Björk frá íbúafundi sem haldinn var um málið þann 15. febrúar.

Í afgreiðslu ráðsins segir að eftir gott samtal við bæjarbúa sem og athugasemdir við fyrirhugaðar aðalskipulagsbreytingar telur framkvæmda- og hafnarráð ekki ráðlagt að fara í lengingu á Kleifabryggju (staurabryggja þvert fyrir Löngu). Óskar ráðið eftir því við umhverfis- og skipulagsráð að tekið verði tillit til þess í framhaldinu á skipulagsvinnunni. Ráðið óskar eftir því að núverandi aðalskipulag í Löngu haldist óbreytt að undanskilinni styttingu Hörgaeyrargarðs.

Vestmannaeyjahöfn er sprungin

Einnig komu inn ábendingar frá bæjarbúum varðandi stækkun á H2 svæði Vestmannaeyjahafnar í austur (Brimneskant á móts við Ystaklett). Til upplýsinga hafa verið unnar hráar myndir sem sýna hvernig bryggjukantar í Skansfjöru og Gjábakkafjöru gætu litið út. Myndir sýna annars vegar 100 metra kant við Skansfjöru skv. núverandi aðalskipulagi og svo 250 metra Brimneskant skv. breytingu á aðalskipulagi. Myndirnar sýna hvar skip gætu legið í innsiglingunni.

Einnig vill ráðið árétta að stórskipakantur utan við Eiðið er hugmynd sem ekki hefur verið hætt við en með fyrirliggjandi aðalskipulagsbreytingum er verið að opna fyrir aðra möguleika. Ljóst er að Vestmannaeyjahöfn er sprungin bæði þegar horft er til legupláss og upplands og er verið að leita allra leiða til að bregðast við kröfum og vaxandi þörf, segir í niðurstöðu ráðsins.

https://eyjar.net/staekkun-hafnarinnar/

Nýjustu fréttir

Íþróttir

Elmar áfram hjá Nordhorn-Lingen

Íþróttir

Róbert hjá ÍBV næstu tvö árin

Fréttir

Framkvæmdir langt komnar í Íþróttamiðstöðinni

Aðsent

Skákþing Vestmannaeyja: Úrslitin ráðast í síðustu umferðunum

Vestmannaeyjabær

Yfir 90% íbúa ánægðir

Fréttatilkynning

Bríet kemur fram á Hljómey

Stjórnmál

Sæunn Magnúsdóttir gengur til liðs við Miðflokkinn

Úr blaði Eyjafrétta

Framkvæmdir hafnar við Áshamar 77

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Vestmannaeyjahöfn er sprungin

Nýjustu fréttir

Góð ráð fyrir siglingu

Sjóveiki