Herjólfur ohf. hefur birt nýja tilkynningu um breytta siglingaáætlun vegna siglinga seinnipart föstudags og á laugardag.

Herjólfur siglir til Þorlákshafnar seinnipartinn í dag, föstudaginn 15. maí. Brottför frá Vestmannaeyjum verður klukkan 16:00 í stað 17:00 og frá Þorlákshöfn klukkan 20:00 í stað 20:45. Aðrar ferðir falla niður.

Á morgun, laugardaginn 16. maí, verður siglt tvær ferðir til og frá Þorlákshöfn. Brottför frá Vestmannaeyjum verður klukkan 07:00 og 16:00, en frá Þorlákshöfn klukkan 11:00 og 20:00.

Samkvæmt tilkynningunni falla aðrar ferðir dagsins niður. Þá kemur fram að tilkynning um siglingar á sunnudag verði gefin út í síðasta lagi klukkan 06:00 á sunnudagsmorgun.