- Eyjafréttir
- ·
- Fréttir
- ·
Herjólfur í Eyjum - Óvissa með framhaldið
Eftir að bilun kom upp í framhlera á Herjólfi í gærkvöldi horfum við fram á verulega röskun á samgöngum milli lands og Eyja.
Herjólfur sigldi frá bryggju í Þorlákshöfn kl. 02:15 og liggur nú við bryggju í Vestmannaeyjum þar sem unnið er að viðgerð. Á heimasíðu Herjólfs segir að fyrri ferð dagsins í Þorlákshöfn falli niður. Varðandi seinni ferð verður gefin út tilkynning kl. 15:00 í dag.
Mikillar óánægju gætti meðal farþega í gær sem þurftu að bíða í fimm til sex tíma eftir því að komast til Eyja. Meðal annars voru íþróttakrakkar um borð og voru foreldrar ekki sáttir því litlar upplýsingar var að hafa.
Ljóst er að af þessu er verulegt óhagræði bæði fyrir farþega og atvinnulíf. Fiskur bíður flutnings uppi á landi, von var á stórum krana fyrir Gúnanóið þar sem líka vantaði varahlut.
Þetta sýnir veika stöðu Vestmannaeya í samgöngum. Skip og búnaður geta bilað og ekkert við því að segja en krafa um flug milli lands og Eyja hlýtur að verða háværari eftir þessa reynslu.
