Herjólfur siglir til Þorlákshafnar síðdegis í dag, 29. september, þar sem ófært er til Landeyjahafnar vegna veðurs og sjólags. Samkvæmt upplýsingunum sem Eyjafréttir hafa fengið verður farið frá Vestmannaeyjum kl. 16.00 og frá Þorlákshöfn kl. 19.45. Báðar brottfarir eru klukkustund fyrr en áður hafði verið áætlað.

Ferðir kl. 14.30, 15.45, 18.15, 19.30, 22.00 og 23.15 falla niður. Áður hafði Herjólfur tilkynnt að ferðir kl. 12.00 og 13.15 féllu niður.

Farþegar sem hyggjast nýta gistirými ferjunnar þurfa að koma með eigin búnað. Herjólfur minnir jafnframt á að hætta sé á færslu milli Landeyjahafnar og Þorlákshafnar á þessum árstíma og ráðleggur fólki að skilja ekki farartæki eftir í annarri hvorri höfninni.