Á morgun, laugardaginn 7. júní á milli kl 13-14:30 ætlar ÍBV að halda hreinsunardag í samstarfi við Terra.  Mæting er við Hásteinsvöll og ætlum við að taka til á því svæði og þar í kring. Í lokin verður síðan öllum boðið  í grill og þá verður einnig ís í boði fyrir börnin. Í tilkynningu frá félaginu eru bæjarbúar hvattir til að leggja málefninu lið og mæta og gera svæðið fegurra sem og að gera sér glaðan dag í leiðinni. 

„ÍBV vill með þessu leggja sitt að mörkum til að fegra í kringum starfsemi sína og þakklát Terra og Vestmannaeyjabæ fyrir að leggja málefninu lið. Terra leggur sérstaka áherslu á að styðja við málefni sem gagnast nærsamfélaginu með sérstakri áherslu á umhverfismál,  nýsköpun og heilbrigðan lífstíl.  Það er því vel við hæfi að ÍBV og Terra taki höndum saman við að gera þennan dag að árvissum viðburði hjá ÍBV,” segir í tilkynningunni.