Knattspyrnudeild ÍBV hefur fengið Aron Lucas Vokes á láni frá Selfossi út þetta tímabil. ÍBV greindi frá á samfélagsmiðlum sínum. 

Aron Lucas er fæddur árið 2004 og lék upp alla yngri flokka Selfoss. Þá á hann að baka 75 meistaraflokksleiki með Selfossi og hefur skorað í þeim 17 mörk. 

,,Við hjá ÍBV teljum Aron falla vel inn í okkar leikstíl og einnig höldum við að hann beri réttan karakter sem leikmenn ÍBV verða að hafa. Vonandi nær hann að þroskast sem leikmaður hjá okkur”, segir í tilkynningu ÍBV.