ÍBV og Afturelding mættust í nýliðaslag í 12. umferð Bestu deildar karla í kvöld. Fyrir leikinn voru liðin jöfn með 14. stig í 8. og 9. sæti deildarinnar.

Það voru Eyjamenn sem voru með yfirhöndina í fyrri hálfleik og komust á bragðið strax á 12. mínútu þegar Hermann Þór Ragnarsson slapp einn í gegn. Hann átti skot sem fór í stöngina en Vicente Valor var fyrstur á boltann og skoraði af öryggi í opið markið. Eyjamenn hefðu hæglega getað bætt við fleiri mörkum í fyrri hálfleik en leikar stóðu 1-0 í hálfleik.

Afturelding mættu mun ákveðnari til leiks í síðari hálfleik og uppskáru með frábæru marki á 53. mínútu leiksins þegar varamaðurinn Aron Jóhannsson átti frábæra fyrirgjöf á Benjamin Stokke sem stökk manna hæst og stangaði boltann í netið. Tveimur mínútum síðar var það svo Aron Jóhannsson sem innsiglaði sigurinn fyrir Aftureldingu eftir sendingu frá Sævari Atla Hugasyni með góðu skoti.  Fleiri mörk urðu ekki skoruð og fyrsti útisigur Aftureldingar staðreynd. 

Eftir leikinn er ÍBV í 9. sæti með 14 stig á meðan Afturelding fer upp í 6. sætið með 17. Stig.

Næsti leikur liðsins er gegn fram sunnudaginn 29. júní. Leikurinn fer fram á Lambhagavellinum kl. 17:00.