Ljótur leikur með brýna hagsmuni Eyjamanna

Alvarleg stað Herjólfs ohf. hefur verið til umræðu undanfarið vegna mikils tekjufalls í kjölfar Covid-19. Einnig er það ljóst að ríkið hefur ekki verið að greiða samkvæmt þjónustusamningi vegna öryggismönnunar og fleiri þátta. Þeim kröfum er haldið fast að ríkinu. Staðan er sú að í heildina vantar um 400 milljónir inn í rekstur Herjólfs ohf. miðað við áætlanir. Þar af er krafa á ríkið uppá 200 milljónir og 200 milljónir vantar vegna samdráttar í sértekjum félagsins vegna færri farþega og bíla.

Þetta vita bæjarfulltrúar minnihlutans mætavel en freista þess samt að gera þennan sameiginlega vanda okkar Eyjamanna að flokkspólitísku bitbeini. Þar fyrir utan er grein, sem minnihlutinn birti um málið á netmiðlum bæjarins í gær, uppfull af rangfærslum og staðreyndavillum.

Rangfærslur
Þar er því m.a. haldið fram að fyrrverandi stjórnarmenn Herjólfs hafi verið  „…út í miðri á að ná samkomulagi við ríkið um greiðslur vegna svokallaðrar öryggismönnunar skipsins…“. Vegagerðin hefur staðfest að engar slíkar samningaviðræður voru á loka metrunum við fyrrverandi stjórn. Það er reyndar augljóst því ákvörðun Samgöngustofu um öryggismönnum var ekki tekin fyrr en í desember; rúmu hálfu ári EFTIR að fyrrverandi stjórn lét af störfum.

Eitthvað eru svo tölurnar um þessa öryggismönnun að þvælast fyrir greinarhöfundum minnihlutans. Hvaðan kemur þessi tala 11 í öryggismönnun? Stjórn Herjólfs ohf. hefur sótt fast að ríkið greiði með 12 manna áhöfn yfir veturinn og 13-14 á sumrin.

Samstaða rofin
Þessar staðreyndavillur í grein minnihlutans eru þó raunar aukaatriði. Alvarlegast er að minnihlutinn er með þessari grein að reyna að rjúfa þá samstöðu sem þarf að ríkja meðal bæjarbúa allra til að árangur náist í þessu brýna hagsmunamáli okkar gagnvart ríkinu. Sú samstaða er fyrir hendi í núverandi stjórn Herjólfs, bæði meðal fulltrúa meirihluta og minnihluta. Það er óskiljanlegt af hverju bæjarfulltrúar D-listans bera ekki meira traust til þeirra fulltrúa sem þeir sjálfir skipuðu í stjórnina en raun ber vitni. Undirrituð bera traust til allra stjórnamanna. Ef þeir sem viku úr stjórninni voru svona miklu hæfari af hverju skipaði D-listinn þá ekki til áframhaldandi setu? Það hefði verið þeim í lófa lagið.

Það væri óskandi að öll bæjarstjórnin gæti sameinast um að koma þessu brýna hagsmunamáli okkar Eyjamanna heilu í höfn. Í erindisleysi sínu í bæjarpólitíkinni stenst minnihlutinn hins vegar ekki þá freistingu að reyna að nýta sér grafalvarlega stöðu Herjólfs ohf. til að skora flokkspólitísk stig.

Það er ljótur leikur með hagsmuni Eyjamanna.

Njáll Ragnarsson formaður bæjarráðs
Íris Róbertsdóttir bæjarstjóri

Nýjustu fréttir

Íþróttir
Jafnt hjá ÍBV og Fram í Lengjubikar kvenna
Íþróttir
Tómas Bent og félagar í Hearts aftur á sigurbraut
Íþróttir
ÍBV vann Suðurlandsslaginn
Aðsend grein
Öflug barátta og samstaða skipar öndvegi í framtíð Eyjanna
Bæjarmálin
Engin börn í vistun utan Vestmannaeyja
Bæjarmálin
Grípa þarf til aukasundkennslu eftir langvarandi lokun
Íþróttir
Suðurlandsslagur í Eyjum
Fréttir
Herjólfur til Landeyjahafnar seinni partinn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.