Góð aðsókn var á sjómannadagsskemmtuninni í Höllinni í gærkvöldi.  Þar bauð Einsi kaldi og hans fólk upp á veisluborð sem hæfði tilefninu. Veislustjóri var Simmi Vill og náði hann upp góðri stemningu.

Einni hápunkturinn var uppboð á Sjómannabjór ársins sem strákarnir í Brothers Brewery útbúa á hverju ári. Hann var að þessu sinni helgaður Braga Steingríms á Þrasa. Buðu feðgarnir, Bragi og Sigurður 800.000 krónur í flöskuna sem renna óskiptar til góðgerðarmála.

Þá tók tónlistin við og var hún sótt til síðustu aldamóta og mikið fjör. Fram komu Beggi í Sóldögg, Einar Ágúst, Jónsi í Í svörtum fötum og Eyjaraddirnar Haffi úr MEMM og Una Þorvalds. Öll sungu þau við undirleik Bigga Nielsen og hinna strákanna í Eyjasveitinni Gosunum.

Myndir Óskar Pétur.