ÍBV náði í tvö stig í 13. um­ferð Olís­deild­ar karla í hand­knatt­leik í Garðabæn­um í dag með eins marks sigri á Stjörn­unni 28:27. Theo­dór Sig­ur­björns­son skoraði sig­ur­markið þegar hálf mín­úta var eft­ir.

Fann­ar Þór Friðgeirs­son, leikmaður ÍBV sagði í samtali við mbl.is vera ánægður með upp­skeru liðsins í des­em­ber­mánuði. „Þetta var svaka­lega mik­il­væg­ur sig­ur og lok­ar góðum des­em­ber­mánuði fyr­ir okk­ur. Eft­ir erfiða byrj­un höf­um við nú unnið fjóra leiki í röð. Erum um miðja deild en einnig í 8-liða úr­slit­um í bik­arn­um. Við get­um því andað ró­lega og unnið vel í okk­ar mál­um í janú­ar,“ sagði Fann­ar. Hann er bjart­sýnn á gott gengi ÍBV eft­ir hið langa frí sem nú tek­ur við í deild­inni. „Ég er viss um að við eig­um mest inni af öll­um liðum í deild­inni vegna þess að við byrjuðum mótið hræðilega. Þetta er allt að koma því við erum að vaxa sem lið. Ég hugsa að við hefðum klúðrað þess­um leik ef hann hefði farið fram í sept­em­ber en okk­ur tókst að klára dæmið í dag. Það sýn­ir styrk hjá liðinu.“