Í dag beinum við sjónum að uppbyggingu Laxeyjar í Viðlagafjöru og birtum hér myndband sem sýnir stöðuna í fjörunni í dag. Myndbandið er unnið af Halldóri B. Halldórssyni, sem hefur fylgt framkvæmdinni eftir og fangað mikilvæg augnablik vinnunnar.

Uppbyggingin hefur vakið mikla athygli í samfélaginu, en í síðustu viku náðist stór áfangi þegar slátrun á laxi fór fram í áframeldisstöð Laxeyjar í fyrsta sinn. Slátrunin tókst vel og var jafnframt fyrsta prófun á nýrri vinnsluaðstöðu fyrirtækisins. Um 98% fisksins fékk Superior-gæðaflokkun.

„Þetta er mikilvægt skref í uppbyggingu okkar,“ sagði Kristmann Kristmannsson, verkefnastjóri vinnslu og innkaupa hjá Laxey, þegar áfanginn var kynntur í síðustu viku.

Laxey stefnir nú inn í stigvaxandi framleiðslu, með áframhaldandi samstarfi við samfélagið í Vestmannaeyjum og með markmið um reglulegar sendingar af ferskum laxi á erlenda markaði, en gert er ráð fyrir að framleiðslan verði um 5.000 tonn strax á næsta ári.

Hér fyrir neðan má sjá myndbandið frá uppbyggingunni í Viðlagafjöru.