Bæjarráð Vestmannaeyja átti fund með Svandísi Svavarsdóttur, innviðaráðherra þann 23. maí sl. Þar voru samgöngumál Vestmannaeyja meðal þeirra mála sem rædd voru. Staðfesti ráðherra að ríkisstyrkt flug hefjist á milli Reykjavíkur og Vestmannaeyja í vetur til þriggja ára.

Þá ræddi bæjarráð drög að skýrslu vinnuhóps sem ætlað er að leggja mat á fýsileika gangna milli lands og Eyja. Stefnt er að skilum á skýrslunni til ráðherra næstu daga og í framhaldinu verði hún kynnt í Eyjum fyrri hluta sumars.