Sækja um fresti við framlagningu og afgreiðslu fjárhagsáætlunar

Samkvæmt sveitarstjórnarlögum ber bæjarráði eða bæjarstjóra að leggja fram tillögu um fjárhagsáætlun næsta árs eigi síðar en 1. nóvember. Bæjarráð fjallaði um málið á fundi sínum í gær. Bæjarstjórn ber að fjalla um fjárhagsáætlunina á tveimur fundum sem fram skulu fara með minnst tveggja vikna millibili og að lokinni umræðu skal afgreiða fjárhagsáætlunina eigi síðar en 15. desember.

Ljóst er að þær efnahagslegu aðstæður sem skapast hafa vegna Covid-19 fela í sér miklar áskoranir við undirbúning og framsetningu fjárhagsáætlana sveitarfélagsins fyrir árið 2021. Þá munu ýmsar forsendur sem liggja að baki fjárhagsáætlunargerðar fyrir næsta ár koma fram seinna en áður, svo sem Þjóðhagsspá Hagstofu Íslands og framlög úr Jöfnunarsjóði sveitarfélaga. Að mati sveitarstjórnarráðuneytisins eru því veigamikil rök fyrir að veita öllum sveitarfélögum frest til framlagningar og afgreiðslu fjárhagsáætlana, óski þau eftir því. Ráðuneytið hefur af þessu tilefni ákveðið að veita eftirfarandi fresti:
a) Bæjarráð getur lagt fram tillögu að fjárhagsáætlun eigi síðar en 1. desember 2020.
b) Að lokinni afgreiðlsu bæjarstjórnar getur afgreiðsla fjárhagsáætlunar farið fram eigi síðar en 31. desember 2020.

Framangreindir frestir taka ekki til þeirra lögákveðnu dagsetningar sem varða ákvörðun sveitarfélaga um álagningu útsvars, sbr, lög um tekjustofna. Skal slíkt gert eigi síðar en 1. desember og tilkynninning þess efnis send til fjármálaráðuneytisins eigi síðar en 15. desember.

Lagt er til að Vestmannaeyjabær sæki um fyrrgreinda fresti í ljósi þess sem að ofan greinir. Ekki liggja fyrir allar forsendur til þess að ljúka við gerð fjárhagsáætlunar 2021, svo sem Þjóðhagsspá og framlög úr Jófnunarsjóðnum, en mikilvægt er að þær liggi fyrir áður en afgreiðsla fjárhagsáætlunarinnar fer fram. Bæjarráð samþykkti að sækja um fresti við framlagningu og afgreiðslu fjárhagsáætlunar fyrir árið 2021 sbr. innbókunina.

Frestir vegna fjárhagsáætlana sveitarfélaga 2021.pdf

Nýjustu fréttir

Íþróttir
Alexandra Ósk – Íþróttamaður mánaðarins
Fólkið
Sólarbekkurinn á Kletti vinsæll áfangastaður
Fréttir
Tesla opnar sex nýjar hraðhleðslustöðvar í Eyjum
Áhugavert
Tímamót í iðn- og starfsnámi í Vestmannaeyjum
Myndband
Kjarnaborun að hefjast á Landeyjasandi
Samgöngur
Lokanir Landeyjahafnar hafa áhrif á gjaldskrá Herjólfs
Myndband
Svipmyndir frá sólríkum sunnudegi
Úr blaði Eyjafrétta
Jóhannes Grettisson rifjar upp árin á Ísleifi VE
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.