Suðurstrandarvegur verður boðinn út í janúar næstkomandi. Vegurinn verður væntanlega boðinn út í tveimur áföngum. Sá hluti vegarins sem er tilbúinn í útboð, um 20 km kafli frá Þorlákshöfn að Krýsuvík verður boðinn út í janúar, en seinni hlutinn frá Krýsuvík að Ísólfsskála skammt frá Grindavík ætti að geta verið boðinn út í vor. Þar er eftir að hæðarmæla veglínu og verkhanna um 30 km kafla að Ísólfsskála, en lokið er vegalagningu frá Grindavík fyrir Festarfjall að Ísólfsskála, um 4 km kafla.