Veðrið virðist ætla að leika við Eyjafólk og gesti þessa þjóðhátíð. Framundan eru norðan og norðvestan áttir, bjart og að mestu þurrt næstu daga. Hefðbundin dagskrá var í gærkvældi, myllan og viti VKB voru vígð með stæl.

Jói í Laufási er búinn að slá þakið á Stóra sviðinu og allt tilbúið fyrir setninguna sem hófst klukkan half þrjú. Þar verða Lúðrasveitin og Jarl á sínum stað. Víðir Reynis flytur hátíðarræðuna og Þór formaður setur hátíðina og allir í sínu fínasta pússi.

Þessar myndir tók Addi í London í gærköldi og ekki annað að sjá en að fólk sé komið í gírinn.