Í 13 ár hefur Creditinfo unnið greiningu á rekstri íslenskra fyrirtækja og veitt Framúrskarandi fyrirtækjum viðurkenningu fyrir árangurinn. Framúrskarandi fyrirtæki eiga það sameiginlegt að vera stöðug fyrirtæki sem byggja rekstur sinn á sterkum stoðum og efla hag allra. Framúrskarandi fyrirtæki í sem skráð eru í Vestmannaeyjum eru alls 13 í ár og hefur fjölgað um þrjú frá síðasta ári. Þau eru: Einsi Kaldi Veisluþjónusta ehf, Frár ehf, Skipalyftan ehf, Miðstöðin Vestmannaeyjum ehf, Fiskmarkaður Vestmannaeyja hf, Ós ehf, Bergur-Huginn ehf, Bylgja VE 75 ehf, Narfi ehf, Huginn ehf, Ísfélag hf, Kvika ehf útgerð og Vinnslustöðin hf.

Til þess að teljast framúrskarandi þurfa fyrirtækin að uppfylla ströng skilyrði sem eru: fyrirtækið er í lánshæfisflokki 1-3, ársreikningi skal skilað lögum, fyrirtækið er virkt skv. skilgreiningu Creditinfo, Rekstrartekjur að lágmarki 55 milljónir króna reikningsárið 2022 og a.m.k. 50 milljónir króna 2021 og 2020, fyrirtæki með rekstrartekjur yfir 5 milljarða króna þurfa að fylla út spurningalista um sjálfbærni, framkvæmdarstjóri skráður í fyrirtækjaskrá RSK, rekstrarhagnaður (EBIT) > 0, jákvæð ársniðurstaða reikningsárin 2020-2022, eiginfjárhlutfall a.m.k. 20% reikningsárin 2020-2022 og eignir að minnsta kosti 110 milljónir króna reikningsárið 2022 og a.m.k. 100 milljónir króna 2021 og 2020.