Kvennalið ÍBV í knattspyrnu tapaði kvöld gegn Fylki í 4. umferð Pepsídeildarinnar 0:1 en liðin áttust við á Hásteinsvelli. Fylkir komst yfir í lok fyrri hálfleiks og átti auk þess skot í slá í leiknum en þrátt fyrir það var jafnræði með liðunum og fengu leikmenn ÍBV einnig sín færi til að skora. En það var eins og það væru álög á liði ÍBV í kvöld, síðasta snertingin eða síðasta sendingin mistókst alltaf þannig að góð færi runnu út í sandinn. ÍBV tapaði jafnframt þriðja leik sínum í röð en liðið byrjaði Íslandsmótið á laglegum sigri á Selfossi á útvelli en síðan hefur liðið tapað fyrir Stjörnunni á heimavelli, �?ór/KA á útivelli og nú Fylki á heimavelli. Næsti leikur liðsins er gegn Aftureldingu, sem er neðst í deildinni með ekkert stig.