Páll Magnússon, fjölmiðlamaður og fráfarandi forseti bæjarstjórnar Vestmannaeyja eftir fjögurra ára setu er viðmælandi í stóru viðtali við Ómar Garðarsson í síðasta blaði Eyjafrétta.

Í viðtalinu fer Páll um víðan völl. Ræðir sterka stöðu Vestmannaeyja og framtíðarsýn fyrir samfélagið, samgöngumálin, uppbyggingu atvinnulífsins og árin í bæjarstjórn. En ekki síður rifjar hann upp persónulegar sögur úr æsku og lífi sínu í Eyjum.

Lesendur fá meðal annars að heyra skemmtilegar Þjóðhátíðarminningar, af hverju ein fyrsta ástin endaði með handarbroti. Hvers vegna honum þykir vaktin í hliðinu með fjölskyldunni vera annar skemmtilegasti hluti Þjóðhátíðar og hvernig Bjarnarey og vináttan við Súlla á Saltabergi urðu honum svo kær.

Auðvitað er ÍBV líka fyrirferðarmikill þáttur í spjallinu. Páll segir félagið vera miklu meira en íþróttafélag og lýsir því hvernig ástin á Eyjunum, fólkinu og hefðunum hefur fylgt honum alla tíð.

Þetta er hlýlegt og persónulegt viðtal þar sem alvara og húmor fara saman og sýnir vel hvers vegna Vestmannaeyjar eru, eins og Páll orðar það sjálfur, órjúfanlegur hluti af því hver maður er.

Sjá nánar í nýjasta blaði Eyjafrétta.