Jónas Garðarsson hjá Sjómannafélagi Íslands, segir að fulltrúar Samtaka atvinnulífsins, hafi ekki heilsað sér á samningafundi á föstudag. �??�?eir voru ekki brosmildir þegar þeir mættu á fundinn og heilsuðu mér ekki,�?? sagði Jónas í samtali við Eyjafréttir.

Margir hafa velt fyrir sér kröfum undirmanna á Herjólfi um launaleiðréttingu upp á 43% og telja þær ansi miklar. Jónas segir eðlilega skýringu á þessu. �??Við erum einfaldlega að fara fram á launaleiðréttingu samkvæmt samningi sambærilegra starfsmanna sem vinna t.d. hjá Eimskip. Okkar umbjóðendur á Herjólfi voru hjá öðru stéttarfélagi síðast þegar samið var og því miður fengu þeir ekki sambærileg launakjör. Við viljum einfaldlega leiðrétta þennan mun,�?? sagði Jónas og bætti því við að kröfur Sjómannafélags Íslands væri í fjórum liðum.

�??Í fyrsta lagi viljum við að okkar félagar fái sömu kjör og farmenn fengu í sínum samningum 2011. Í öðru lagi viljum við að okkar félagar á Herjólfi fái sama yfirvinnuálag og er í sambærilegum störfum á öðrum skipum. Yfirvinnuálag annarsstaðar er 80% en aðeins 33% á Herjólfi. Í þriðja lagi viljum við að sjómannaafslátturinn sé greiddur eins og allsstaðar annarsstaðar, þ.e. eins og hann var fyrir skerðingu. Og í fjórða lagi viljum við að hásetar á bíladekki fái greitt fyrir aukna vinnu við losun og lestun gámavagna. Um leið og hásetum var fækkað um borð úr fjórum í þrjá, var þessari aukavinnu skellt á þá háseta sem eftir voru, án þess að þeir fengu greitt sérstaklega fyrir það. Semsagt, vinnuálagið var aukið með fækkun og aukastörfum bætt á háseta. �?etta eru þær kröfur sem við setjum fram og teljum réttlátar,�?? sagði Jónas.

Fundur deiluaðila er að hefjast núna klukkan 11:30.