Norskir fjölmiðlar hafa fjallað um frumraun Gunnars Heiðars Þorvaldssonar í norska boltanum um helgina. Dagblaðið nefnir hversu mikið hann líkist Morten Gamst Pedersen sem spilar nú með Blackburn. Gunnar Heiðar spilaði fyrstu 63 mínúturnar í 3-2 sigri Vålerenga á Start. „Ég er sáttur við Gunnar Heiðar. Hann byrjaði mjög vel en síðan dró aðeins af honum,” sagði Harald Aabrekk, þjálfari Vålerenga, eftir leikinn en Gunnar Heiðar og Christian Grindheim þóttu ná vel saman í byrjun leiksins.