Hópur sem kallar sig “Melodic Objects” og bjóða upp á djögl + tónlist bíður til tónlistarveislu í Höllinni á morgun þriðjudaginn 24. júlí kl. 16.00.
6 djöglarar og einn tónlistarmaður vinna saman að tónlistarveislu fyrir augu og eyru. Sýning fer fram undir stjórn Jay Gilligan, sem er prófessor í djögli við Dance and Circus University í Stokkhólmi. Sýningin er gerð til heiðurs hinum heimsfræga Djögl hópi, The Flying Karamozov Brothers, sem sögðu að „Jögl er röð atvika, kasta og gripa sem framkvæmd eru á tíma. Á sama hátt er tónlist röð atvika, nótna sem ritaðar eru á samfelldum tíma. Þetta samband milli tíma og atvika í tónlist kallast taktur. Einnig er hægt að nota takt um eins samband í djögli. Eins og við höfum nú séð, er djögl taktur og á sama hátt er tónlist taktur. Lögmálin segja okkur að ef A er jafnt og B, og B er jafnt og C, þá er A jafnt og C… þannig er djögl tónlist.!”
Listamennirnir sem koma fram eru allir á heimsmælikvarða, enda allt heimsmeistarar í faginu, en þeir eru:
Saara Ahola (FIN)
Peter Åberg (SWE)
Jay Gilligan (USA)
Mirja Jauhiainen (FIN)
Andrea Murillo (USA)
Kyle Driggs (USA)
Emil Dahl (SWE)
Hlökkum til að sjá sem flesta Eyjamenn í Höllinni, þetta er viðburður sem enginn ætti að láta fram hjá sér fara.
Tónlistarveislan hefst kl. 16.00 og er aðgangur ókeypis, en þeir sem vilja styðja hópinn geta greitt frjáls framlög til hópsins í Höllinni.
