Aðeins tuttugu heimili í Eyjum fá ljósleiðara í ár

Frekari áætlun um ljósleiðara liggur ekki fyrir í Eyjum

Síma- og internetfyrirtæki á Íslandi keppast þessa dagana við að selja landsmönnum nettengingu um ljósleiðara enda fjölgar tækjunum með hverjum deginum sem háð eru góðri nettengingu.
Í Vestmannaeyjum er hins vegar fátt um fína drætti í þessum málum, sér í lagi þegar kemur að heimilunum. Ljósnetið er það sem næst kemst því að komast á ljóshraða í Eyjum en er víðast hvar á Eyjunni slegið við af nettengingu um farsímakerfi, svokallað 4,5 G.

Sögusagnir hafa verið uppi um að byrjað sé að leggja ljósleiðara inn á einhver hverfi í bænum og setti því blaðamaður Eyjafrétta sig í samband við Mílu og kannaði málið.
„Jú, það eru 20 heimilisföng í Vestmannaeyjum á áætlun þessa árs, en þetta eru heimili þar sem eru til staðar rör inn í hús fyrir ljósleiðarastreng. Þar á þá eftir að daga ljósleiðarann í rörin og tengja,“ sagði Sigurrós Jónsdóttir starfsmaður Mílu.

En þau heimili sem um ræðir eru Vestmannabraut 47, 49, 53, 53b, 55, 57, 59, 61, 63a, 63b, 65a, 67 69 og 71. Sem og Skólavegur 1, 2, 3, 4, 6 og 7. Áætlað er að tengja þau á síðasta ársfjórðungi. „Frekari áætlun um ljósleiðara liggur ekki fyrir í Eyjum,“ sagði Sigurrós.

Sass – uppbyggingarsjóður
Húsasmiðjan – almenn auglýsing

Mest lesið