Jóhann Jónsson frá Laufási forstöðumaður Þjónustumiðstöðvar Vestmannaeyjabæjar og hans menn nýttu góða veðrið og voru í óðaönn að malbika þegar blaðamaður Eyjafrétta hitti á þá í hádeginu. “Við fengum einn bíl í morgun og erum bara núna að vinna smá viðgerðir hér og þar. Við höfum varla undan að laga það er svo víða verið að opna malbik þessa dagana,” sagði Jóhann. Hann sagði að stefnt væri að því að taka allavegana eitt stórt úthald í haust því nokkur stærri verkefni væru á dagskrá þar á meðal Brimhólabraut og fleira.
