Mikið hefur mætt á þá sem sinna snjómokstri hér í Eyjum í vetur enda verið með eindæmum snjóþungur. Starfsmenn Þjónustumiðstöðvar ásamt verktökum hafa lagt sig alla fram við að halda öllum götum og gangstígum eins auðförnum og kostur hefur verið og hafa margir dagar verið langir. Þetta kemur fram í frétt á vef Vestmannaeyjabæjar.
Það voru þær Hanna í Suðurgarði og Bubba í Þorlaugargerði Eystri sem komu færandi hendi í Þjónustumiðstöðina um daginn og þökkuðu starfsmönnunum þar fyrir óeigingjart starf sem þeir hafa unnið fyrir okkur bæjarbúa.
