Strákarnir mæta Þórsurum klukkan 15:00

Strákarnir fá Þór frá Akureyri í heimsókn í dag í Olís-deild karla! Leikurinn hefst klukkan 15:00 og verður í beinni útsendingu á ÍBV TV á Youtube.

Eins og áður eru ákveðnar reglur sem HSÍ og Almannavarnir hafa gefið út og þeim þarf að fylgja í einu og öllu:

• Grímuskylda er á leiknum, en þó eru börn á grunnskólaaldri og yngri undanskilin frá þeirri reglu

• Allir gestir eru skráðir með nafni, kennitölu, símanúmeri og sætisnúmeri

• Númerum hefur verið dreift á sæti með ákveðnu millibili um stúkuna og aðeins skal sitja í sínu merkta sæti.

• Allir áhorfendur skulu vera sitjandi, ekki er leyfilegt að standa.

• Börn skulu vera í fylgd með fullorðnum á leiknum

• Sjoppan verður ekki opin og engin barnapössun

Það hefur verið flott mæting á leikina hérna í Eyjum undanfarið og góð stemning. Við treystum á ykkar stuðning kæru stuðningsmenn!

Sjáumst hress og kát í dag!

ÁFRAM ÍBV
Alltaf, alls staðar!