Róbert Sigurðarson hefur skrifað undir samning hjá norska úrvalsdeildarliðinu Drammen.
Fram kemur á facebook síðu ÍBV Handbolti að Róbert hefur verið einn albesti varnarmaður landsins undanfarin ár og verið algjör lykilmaður í varnarleik ÍBV. Hann gekk til liðs við ÍBV haustið 2017 á láni frá liði Akureyrar. Haustið 2019 voru svo gerð endanleg félagaskipti til ÍBV.
Róbert hefur á sínum tíma í ÍBV leikið afar vel og stimplað sig rækilega inn í Eyjasamfélagið.
Róbert mun ganga til liðs við Drammen að loknu yfirstandandi keppnistímabili og á því nóg eftir í hvíta búningnum!
