Umhverfis- og skipulagsráð samþykkti í vikunni tillögu að breyttu deiliskipulagi að Strandvegi 51 og vísaði málinu til afgreiðslu bæjarstjórnar.
Ein athugasemd barst ráðinu þar sem meðal annars er farið fram á að lögum sé fylgt vegna breytinga á deiliskipulagi, þá m.a umfang hússins, lóðamörk og að eitt bílastæði skuli fylgja hverri íbúð. Verði þessum lögum ekki framfylgt verði skipulagið kært til úrskurðarnefndar skipulagsmála.
Ráðið felur skipulagsfulltrúa að ræða við lóðarhafa varðandi að uppfæra teikningar sem sýna glugga í lóðamörkum sem er óheimilt skv. byggingarreglugerð 112/2012.
Svarbréf til bréfritara vegna skipulagsbreytinga við Strandveg 51:
Árið 2022 lagði lóðarhafi við Strandveg 51 fram tillögur að breyttu deiliskipulagi sem umhverfis- og skipulagsráð Vestmannaeyjabæjar samþykkti að auglýsa. Á auglýsingartímanum komu fram athugasemdir nágranna sem eru ítrekaðar í meðfylgjandi umsögn bréfritara.
Umhverfis- og skipulagsráð tók á þeim tíma tillit til ákveðinna athugasemda bréfritara og hafnaði skipulagsbreytingunni. Þær athugasemdir sem tekið var tillit til var að umfangi hússins væri ofaukið, að samþykki lóðarhafa þar sem byggt er í lóðamörkum lægi ekki fyrir og að huga þyrfti betur að bílastæðum í nærumhverfinu.
Þann 05.06.2023 var tekin fyrir uppfærð tillaga að breyttu deiliskipulagi fyrir Strandveg 51. Frá fyrri tillögu hafði þá verið unnið að breytingum til að koma til móts við ofangreind atriði.
Bílastæði: Samningur hefur verið gerður við fasteignaeigendur við Strandveg 50 um afnot íbúa við Strandveg 51 af bílastæðum á lóð við Strandveg 50 utan dagvinnutíma. Skapast þar með 4 bílastæði fyrir lóðarhafa. Einnig hefur verið gert ráð fyrir sérstæði fyrir Herjólfsgötu 5, við Strandveg 55.
Miðað við núverandi stöðu má ætla að bílastæðum við Herjólfsgötu fækki um sirka tvö stæði. Þess í stað bætast við 4 bílastæði í bílastæðahúsi á lóð við Strandveg 51. Þannig hefur verið gert ráð fyrir 9 nýjum einkastæðum en tvö almenn stæði hverfa. Ekki er langt í fleiri almenn stæði í nágrenni hússins t.d. á gatnamótum Strandvegs og Heiðarvegs og metur
Umhverfis- og skipulagsráð því að brugðist hafi verið við athugasemd um bílastæði með fullnægjandi hætti.
Bréfritari staðhæfir að lög séu um að eitt bílastæði skuli fylgja hverri íbúð á lóð. Ekkert slíkt ákvæði er að finna í lögum. Bæjarsamþykkt um bílastæði og innkeyrslur á lóð tilgreinir viðmið um fjölda bílastæða á lóð fyrir hverja íbúð. Samþykktin eru þó aðeins viðmið og fjöldi fordæma um að ekki sé gert ráð fyrir bílastæði fyrir hverja íbúð, það á sérstaklega við á miðbæjarsvæði þar sem eru fleiri almenn bílastæði.
Umfang hússins: Umfang hússins hefur einnig verið minnkað m.a. hefur hæð hússin verið lækkuð, efri hæðar hafa verið teknar inn í auknu mæli. Hámarksbyggingarmagn var 1.500 m2 skv. fyrri tillögu en er 950,4 m2 skv. núverandi tillögu. Skilgreint hefur verið að lágmarks inndregni byggingarreits fjórðu hæðar skuli vera 1,2 m og skilgreind hefur verið hámarks vegghæð 3 hæðar 9,5 m.
Byggingarreitir í lóðamörkum: Stækkun byggingareits er skv. tillögunni í 3 m fjarlægð frá lóðamörkum við Strandveg 49 og Herjólfsgötu 5. Ráðið taldi þar með að brugðist hafi verið við athugasemdum sem ráðið tók undir með, við fyrri tillögu, með fullnægjandi hætti og samþykkti að auglýsa tillögu að breyttu deiliskipulagi.
Umsagnaraðil endurtekur fyrri athugasemdir og ítrekar athugasemd varðandi bílastæði sérstaklega. Eins og rökstutt er hér að ofan þykir ráðinu að brugðist hafi verið við þeirri athugasemd með fullnægjandi hætti. Varðandi aðrar athugasemdir er koma fram í bréfi:
Umfang hússins
Umfang hússins hefur verið dregið saman um 550 m2 og því ljóst að umfang hússins er ekki til hins ýtrasta. Í nálægð við Strandveg 51 liggja bæði íbúðarhúsnæði, verslunar og þjónustuhúsnæði. Aukið byggingarmagn er í samræmi við Aðalskipulag Vestmannaeyja 2015-2035 varðandi þéttingu byggðar.
Grunnur hússins
Þegar að húsið verður byggt mun það fylgja byggingarreglugerð og gerð verður krafa um burðarþols reikninga. Reynist grunnur hússins ótryggur eru til aðferðir til að styrkja hann.
Þriðja hæðin
Engar vísbendingar eru um að byggja eigi þriðju hæð hússins á sem ódýrastan hátt eða að
byggingareglugerð sé sniðgengin. Bréfritari færir ekki fullnægjandi rök fyrir þessum athugasemdum.
Samkvæmt núverandi skipulagi er heimild til að hækka hús sem nú er á Strandvegi 51 um 1 hæð og ris. Tækifæri til starfsemi á lóð við Strandveg 49 eru því ekki talin skerðast miðað við gildandi deiliskipulag. Ekki er gert ráð fyrir umferð um lóð við Strandveg 49 og aðgengi hefur verið tryggt að baklóð frá Herjólfsgötu. Allir byggingarreitir sem bætast við eru 3 metra frá lóðamörkum við aðliggjandi lóðir.
Nágrannar og bílastæði
Svæðið sem um ræðir er á miðbæjarsvæði þar sem deiliskipulag gerir ráð fyrir verslun og þjónustu. Þetta kemur skýrt fram í deiliskipulagi svæðisins. Íbúar sem á svæðinu ættu að gera sér grein fyrir verslun og þjónustu sem því fylgir.
Sjá umræðu í upphafi bréfs varðandi bílastæði.
Lóðamörk
Eins og kemur fram að ofan gerir núverandi deiliskipulagstillaga ráð fyrir að allir umfram byggingareitir miðað við núverandi skipulag séu 3 m frá lóðamörkum aðliggjandi lóða. Lóðarhafa verður gert að fjarlægja alla glugga á hliðum útveggja sem liggja að lóðamörkum við Strandveg 49.
Skuggahverfi Vestmannaeyja
Eins og kemur fram að ofan er leyfilegt, skv. gildandi skipulagi að byggja 1 hæð og ris ofan á núverandi byggingu við Strandveg 51. Möguleg ásýnd er sýnd á mynd hér að neðan en engar kvaðir eru um að taka hliðar hússins inn. Miðað við núverandi skipulag myndi því einnig.
Núverandi teikningar gera ráð fyrir að austurhlið hússins sé dreginn inn að hluta, segir í svarbréfi bæjaryfirvalda.
