Þriðja tölublað Eyjafrétta er komið út og er komið eða er á leiðinni til áskrifenda í Eyjum og á fastalandinu. Það er fjölbreytt að efni að vanda. Örlagadeginum, 23. janúar sl. þegar 50 ár voru frá upphafi Heimaeyjargossins er gerð góð skil í blaðinu.

 Athöfnin í Eldheimum er eftirminnileg þar sem forseti Íslands, forsætisráðherra og forseti bæjarstjórnar fluttu ávörp.  Sigríður Magnúsdóttir, Sirrý og Bragi Steingrímsson eru í stóru viðtali. Þau voru meðal þeirra fyrstu sem fluttu heim til Eyja eftir gos og hafa frá mörgu áhugaverðu að segja. Elva Ósk sló í gegn á tónleikum í Eldheimum þegar hún las upp úr dagbók sem móðir hennar hélt í gosinu.

Leitað er til kynslóðanna sem ekki upplifðu gosið, glæsilegum Eyjatónleikunum í Hörpunni eru gerð skil í máli og myndum, saga Ísfélags og Hraðfrystistöðvar í gosinu er rakin og sagt frá þorrablóti sem Vinnslustöðin hélt fyrrverandi starfsmönnum.

Eyjafréttir eru til sölu á Kletti, í Krónunni og Tvistinum Vestmannaeyjum.